+0 به یه ن

دویغو لاریم بوداق بوداق      قوپماق ایسته ییر کؤتویوندن
آیریلیغین ترانه سین        بو تئز لیک ده چالیر نه دن

بیر قیغیلجیم جسدیمده      بؤیوک دونیا قده ر دیلک
اوفوقلاردا باتجاق گونش       آغ هؤروکلو اوجا ملک

گل گل دئییر باخیشیلا      باخیشیما نه جان وئریر
سونسوز بیر یول منیم اوچون       بارماغیلا نیشان وئریر

 غریبه بیر هاواسی وار       کؤنلوم اونا چوخ ده لی دیر
اویول سانکی قان چاناغی       آلوو کیمی دهشتلی دیر

قوپدی من دن دویغو لاریم        داشا دشوندی قول قانادیم
گونش گولدی قان چکیلدی      نه لر اولموش تئز آنلادیم

 آلدی مندن دویغولاری     جانسیز گونش جانا گلدی  
باشقا گونه ایشیق ساچدی          قان دامارا یئنه گلدی

+0 به یه ن

 

 

 

 

 

 

آذربایجان

 

 

 

دانیشیرام اؤز خالقیما سؤزوم وار

اوجاغیم وار آلوووم وار كؤزوم وار

تاریخ لرده درین كؤكلوایزیم وار

هله ده نفسلی بیرنوجاوانام 

من اودلار دیاری آذربایجانام 
 

قوی دئییم سوز مولكوم قورقود دان بری

شهرتیم اولوبدو دیللر اَزبری

یوردوم یارانیبدی ایگیدلریئری 

آنا توپراغیما قیمت قویانام  

من اودلاردیاری آذربایجانام

ساتقینلار اَلیله بؤلونوب جانیم 

.باكیدا تؤكولوب ناحقدن قانیم 

آرازدا بوغولوب شهرتیم شانیم 

بیر ظلمت ایچینده ایشیقلی دانام 

من اودلاردیاری آذربایجانام
 

بیرده وئرسه بابك اوغلوم های منه 

باتابیلمز اَفشین لره تای منه

یاراداندان یئتیشیبدی پای منه 

محتشم اِئلیمدن گوج آلمیش جانام

من اودلاردیاری آذربایجانام

خان چوپانیم سئلدن آلسا ساراسین

ملحم سالیب باغلار ائلین یاراسین 

باشدان آچار آیریلیقین قاراسین

هر نه یی یئرینده مومكون دویانام

من اودلاردیاری آذربایجانام

 

اَرایگیدلی هنر پروراِئلیم وار

چمنیم وار گونشیم وارگولوم وار

خوش لهجه لی شیرین سؤزلودیلیم وار

توركودانیشماغا اؤریره دیب آنام

من اودلار دیاری آذربایجانام
 

سئللر قاباغیندا ییخیلماز وه ریم 

دوشمنه باش اَیمز اَر ایگید لریم 

ناموسلی غیرتلی شوخ گوزللریم

یوردومدا قانانا نازلی جانانام 

من اودلاردیاری آذربایجانام 
 

ستارخان ساخلاییب هله ساغ منی
 

توركون دیلی ائدیب اوزو آغ منی

 

شاعیرلر یاشادیب شانلی باغ منی

 

بئله طبیعتلی بیر گولوستانام

 

من اودلاردیاری آذربایجانام

 

 

 

غیرتدن آنلیما تاپدانیب نیشان

 

قهرمان ائلیم وار ییخانماززامان

 

منه قیمت قویا بیلمز هر نادان

 

صراف بازاریندا لعل ومرجانام

 

من اودلاردیاری آذربایجانام

 

 

 

لاچینی شوشانی آلدی ائرمنی

 

سارسیتدی قاراباغ كلبجر منی

 

خوجالیدا توتدو ناحق شر منی

 

انصافدی آغ دامی اوددا قالانام

 

من اودلاردیاری آذربایجانام

 

 

 

چؤكنویوب قارانلیق دای قاراباغدا

 

لیل له شیب دورولمورچای قارا باغدا

 

چیخمیر بولوت آتدان آی قاراباغدا

 

اینصاف دئیییل یاد اَللرده تالانام

 

من اودلاردیاری آذربایجانام

 

 

 

اَرمنی لر یامان منی سیخدیلار

 

ائل اوبامی تالادیلار ییخدیلار

 

بوظالیملر هاردان گلیب چیخدیلار

 

نیه گره ك قیزیل قانا بویانام

 

من اودلار دیاری آذربایجانام

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

كوچدو جاوانشیرلر كؤچدو نبی لر

 

قلبی داش لار  ائل دردینی نه بیلر

 

یالقیز گوروب اَل آچدی اَجنبی لر

 

ائل دردینن قلبی غمه دولانام

 

من اودلار دیاری آذربایجانام

 

 

 

حق دییه نین گیله سینی اویدولار

 

حقیقته بهتان آدین قویدولار

 

نسیمینی تپه دیرناق سویدولار

 

دوغرو باخساز چوخ اورگی آل قانام

 

من اودلاردیاری آذربایجانام

 

 

 

 

 

شهریاریم اَصیل یازدی صحبتین

 

چوخ چكرم كوراوغلونون حسرتین

 

حسین جاوان باقرخانین محنتین

 

 

 

تاریخ دفترینده دردلی داستانام

 

من اودلاردیاری آذربایبجانام

 

 

 

 

 

 

 

 

 

آذربایجان

 

 

 

دانیشیرام اؤز خالقیما سؤزوم وار

 

اوجاغیم وار آلوووم وار كؤزوم وار

 

تاریخ لرده درین كؤكلوایزیم وار

 

هله ده نفسلی بیرنوجاوانام

 

من اودلار دیاری آذربایجانام

 

 

 

 

 

قوی دئییم سوز مولكوم قورقود دان بری

 

شهرتیم اولوبدو دیللر اَزبری

 

یوردوم یارانیبدی ایگیدلریئری

 

آنا توپراغیما قیمت قویانام 

 

من اودلاردیاری آذربایجانام

 

 

 

 

 

ساتقینلار اَلیله بؤلونوب جانیم

 

.باكیدا تؤكولوب ناحقدن قانیم

 

آرازدا بوغولوب شهرتیم شانیم

 

بیر ظلمت ایچینده ایشیقلی دانام

 

من اودلاردیاری آذربایجانام

 

 

 

 

 

بیرده وئرسه بابك اوغلوم های منه

 

باتابیلمز اَفشین لره تای منه

 

یاراداندان یئتیشیبدی پای منه

 

محتشم اِئلیمدن گوج آلمیش جانام

 

من اودلاردیاری آذربایجانام

 

 

 

خان چوپانیم سئلدن آلسا ساراسین

 

ملحم سالیب باغلار ائلین یاراسین

 

باشدان آچار آیریلیقین قاراسین

 

هر نه یی یئرینده مومكون دویانام

 

من اودلاردیاری آذربایجانام

 

 

 

 

 

اَرایگیدلی هنر پروراِئلیم وار

 

چمنیم وار گونشیم وارگولوم وار

 

خوش لهجه لی شیرین سؤزلودیلیم وار

 

توركودانیشماغا اؤریره دیب آنام

 

من اودلار دیاری آذربایجانام

 

 

 

 

 

 

 

 

 

 

 

 

 

 

 

 

 

 

 

سئللر قاباغیندا ییخیلماز وه ریم

 

دوشمنه باش اَیمز اَر ایگید لریم

 

ناموسلی غیرتلی شوخ گوزللریم

 

یوردومدا قانانا نازلی جانانام

 

من اودلاردیاری آذربایجانام

 

 

 

ستارخان ساخلاییب هله ساغ منی

 

توركون دیلی ائدیب اوزو آغ منی

 

شاعیرلر یاشادیب شانلی باغ منی

 

بئله طبیعتلی بیر گولوستانام

 

من اودلاردیاری آذربایجانام

 

 

 

غیرتدن آنلیما تاپدانیب نیشان

 

قهرمان ائلیم وار ییخانماززامان

 

منه قیمت قویا بیلمز هر نادان

 

صراف بازاریندا لعل ومرجانام

 

من اودلاردیاری آذربایجانام

 

 

 

لاچینی شوشانی آلدی ائرمنی

 

سارسیتدی قاراباغ كلبجر منی

 

خوجالیدا توتدو ناحق شر منی

 

انصافدی آغ دامی اوددا قالانام

 

من اودلاردیاری آذربایجانام

 

 

 

چؤكنویوب قارانلیق دای قاراباغدا

 

لیل له شیب دورولمورچای قارا باغدا

 

چیخمیر بولوت آتدان آی قاراباغدا

 

اینصاف دئیییل یاد اَللرده تالانام

 

من اودلاردیاری آذربایجانام

 

 

 

اَرمنی لر یامان منی سیخدیلار

 

ائل اوبامی تالادیلار ییخدیلار

 

بوظالیملر هاردان گلیب چیخدیلار

 

نیه گره ك قیزیل قانا بویانام

 

من اودلار دیاری آذربایجانام

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

كوچدو جاوانشیرلر كؤچدو نبی لر

 

قلبی داش لار  ائل دردینی نه بیلر

 

یالقیز گوروب اَل آچدی اَجنبی لر

 

ائل دردینن قلبی غمه دولانام

 

من اودلار دیاری آذربایجانام

 

 

 

حق دییه نین گیله سینی اویدولار

 

حقیقته بهتان آدین قویدولار

 

نسیمینی تپه دیرناق سویدولار

 

دوغرو باخساز چوخ اورگی آل قانام

 

من اودلاردیاری آذربایجانام

 

 

 

 

 

شهریاریم اَصیل یازدی صحبتین

 

چوخ چكرم كوراوغلونون حسرتین

 

حسین جاوان باقرخانین محنتین

 

 

 

تاریخ دفترینده دردلی داستانام

 

من اودلاردیاری آذربایبجانام

+0 به یه ن

+0 به یه ن

داغلار

داغ ،داغلار، بیزیم داغلار، گؤیه داغلار و... بو ردیف وقاقیه ده گلن شعرلر آذربایجان ادبیاتی واؤزه ل لیكجه آشیق شعرینده  هر آن گؤز اؤنونده دولانیر.
اونداكی شاعیرین اورگی دولور دردیله، حسرتیله، آهیله؛ بیرینی دانیشدیریب واوره ك سوفره سین اونا آچماق ایسته ییر نه ایسه  قارشی سیندا اولان انسانلار یاخشی دینله ییجی ویا یاخشی سیر ساخلایان اولمادان ویا هر آیری بیر نه ده ن لره گؤره« داغ» اونا یاخشی بیرسیرداش درد داش یولداش قارداش اولور ویاشاعیرین دردی اوقدر یوكسك اولور كی داغلاردان باشقاكیمسه اونو دینله مه یه تاب گتیرمیرویا دینله  مك ایسته میر


رحمت لیك آشیق علی علیزاده رحمت لیك شوجایتین شعرینده ن الهام آلاراق دردینی داغلارا بئله سؤیله ییر
نه ائدیم كی یارالیام

آهیم چیخیب گؤیه داغلار

یوخوش اولوب دولایی لار

قوجالمیشام به یه داغلار

سنین سینه ن چیچكلی یاز

منیم سینه مده دردلی ساز

او چیچكدن گؤندر بیر آز

بو دردیمه ده یه داغلار

قیشلاقلی یام درده دوشدوم

اتگیندن خسته كئچدیم

سیر سؤزومو سنه آچدیم

سنی محرم دئیه داغلار.
داغی اؤزونه بیر سیرداش بیله ره ك دئییر؛

سیر سؤزومو سنه آچدیم

سنی محرم دئیه داغلار.

شوجایات رحمت لیك اوره گی نین او ان درین بوجاغلاریندا نئچه ایل بسلنن آرزی سینی سئوگی سینی حسرت اینی سؤیله ینده دوغورداندا بیر قوجامان بیر داغ ایسته ییر كی اونو آلیب داشیسین؛

بو نه نئی سسی دی نه كمان  سسی

هجرانین  هارایی هایی دی داغلار

بیر   پاییز    اوركده  بیر  یاد  قاپیدا

بوگون سئوگیلیمین  تویو دو  دغلار


مكتوبلار شكیل لر گؤزه  درد اولوب

عشقیمیزآرزی میز  بیزه  درد اولوب

كؤهنه خاطره لر تزه  درد اولوب

سئوگیم اورگیمده اویودو داغلار



شوجایت  دئییلم  كول  اولموشام  كول

دردینه  شریكم آی ساری بولبول

سولدی چمن سولدی چیچك سولدی گول

توپراغدا   گونشده سویودو داغلار


صمد وورغون داغ وورغونو طبیعت، وطن، تورپاق وورغونو .داغلار شعرینی نه حالدا نه اوره ك له یازیب اونو بیر اؤزو بیلیر بیرده آللاهی. او سؤزونو داغلارا دئییب داغلاردان رحمت لیك كاماندار آلیب ائل لره یاییب .
اوستوندن كاروان یئریمز

سیخدیر دومانلارین داغلار

یایدا- قیشدا هئچ اریمز

قوزئی لرده قارین، داغلار

 

او قیز یالدان تك آشاندا

ساچ كمره دولاشاندا

آتدان دوشوب یول آشاندا

من اولوم زوارین داغلار

 

لاچین لارین گویدن انمز

قایالارین باخار دینمز

یامان گونده اوزون دونمز

پوزولماز ایلقارین داغلار

 

اووچی گزه ر اوغرون- اوغرون

ماراللارین دوشر یورغون

قوناق گلدی سیزه «وورغون»

سئوینسین گولزارین داغلار!

 
آما رحمت لیك علعسگر گؤزه ل لیك نغمه كاری تانری نین یئر اوزه رینه اولان محبت و سئوگی سینی عالمه چاتدیران شاعیر.آشاغی داكی شعرینده او آنی او مكانی ائله اؤیوب كی اینسان بیر آنلیق اولورسادا اؤزونو او چاغدا واویئرده حیس ائدیر




بیر آی یاریم نو بهاردان گئچنده
جار اولور كوكسوندن سئللرین داغلار
چالخانیر دریالار، چیغریشیر غازلار
زمزم زمزمه لی گؤللرین داغلار
 
داغیلا اوزونون اورتاق دردینی داغین قوینوندا پایلاشیر لار

هانی من گوردویوم قورقو بوساتلار؟
دردلی لر گورسه لر تئز باغری چاتلار
مله شمیر سورولر، كیشنه میر آتلار
نییه پریشاندیر حاللارین داغلار؟

هانی بو یایلاقدا یایلایان ائللر؟
گورنده گوزومدن جار اولدو سئللر
سئیر ائتمیر كوكسونده طرفه گوزه للر
سانجیلمیر بوخاغا گوللرین داغلار

هانی مرد ایگیت لر بوش قالیب یوردو؟
سخاوتده ائلدار نورالانور دو
ائركك كسیب آغیر مجلیس قوروردو
شؤلن چكیلیردی ماللارین داغلار

گوزه للر چشمه ندن گوتورمور آبی
داد وئره دهنده كوثر شرابی
خاچ پرستله دوشدو بوند انقلابی
اونونچون باغلاندی یوللارین داغلار

ساری نردن توپ تفنگین آتیلی
قیسیر مورغوز شاه داغینا چاتیلی
بیر املیگین بیر تومانا ساتیلی
نئجه اولدی دولتین، ماللارین داغلار؟

كه پز موری، قونور نئچه داغلار وار
اوستونه نور یاغسین آی دلی قوشقار
یایین اورتاسیندا یاغدیریرسان قار
صف چكیب اوستونده سردارین داغلار

حالییام ائلدارین وار جمله سیندن
ایگیت نعره سیندن گولله سسیندن
گئجه یاتمیر بیربیرینین بسیندن
دگمه میش توكولور كاللارین داغلار

حسن ننه، حسن بابا قوشادی
خاچ بولاغ یایلاقی خوش تماشادی
عارسیز عاشیق ائلسیز نییه یاشادی؟
اؤلسون علعسگرتك قوللارین داغلار

آرالی داغلار

یولوم اوزاق گلنمیره م قوینونا

كؤنلوم ده سن من ده ن آرالی داغلار

خایالیندان قریب لیك لر دویولور

آیدین لی عیشوه لی سارالی داغلار

اووون اولوب یاماجیندا یاییلام

شافاق چاغی قوجاغیندا آییلام

هایانداسام یالنیز سانا قاییلام

بیلمیره م اولموشان هارالی داغلار

بوده ردی چیله نی داشیما قاییب

سكسن ایل آرتیریب یاشینا قاییب

گلر بیر گون دؤیر داشینا قاییب

مزارین اوستونده یارالی داغلار

قوینونا بیرآنلیق گلمك ایسته دیم
گلنمه دیم یولون داشیدی داغلار
خایالیم لا اوچدوم بلكه قوووشام
اوندا گؤردوم جانیم اوشودو داغلار

طالئح منه یامان بیر تیكه توتدو
بیر گونومو نئچه ایل لره ساتدی
جوانیكن عؤمروم قوجالدی گئتتدی
منیم یاشیم هیجران یاشیدی داغلار

یامان حالدان یامان حال لارا سالدین
ایلان اولوب منیم باغریمی چالدین
تولك ترلانیمی ظولموله آلدین
دئدین اوشاغدی بو ناشی دی داغلار

هایاندادی آنا هایاندا ده ده
حسره تی آزقالیر باغریمی دیده
قاییب قوربت ائلده قریب اؤلكه ده
عؤمور بویو حسره ت داشیدی داغلار

+0 به یه ن

گؤز آلتیندان بیر باخ منه
پارچالانیب جیگر سن سیز
آیریلیغین ییخدی منی
درد جانیمی ییه ر سن سیز

آه چكره م آلیشیرام
آلووومدان داغلار یانیر
جان اریدی خایالیندان
بیتر بیر گون كؤنلوم سانیر

كرم كیمی سالدین چؤله
منده اولدوم اونون كیمی
سویله ییرسم  تئللی سازا
اوخشار منی اونون سیمی

گؤزوم یولدا قولاق سس ده
بیر گون گلر دییه دییه
دینله یه كؤنلومون سسین
میثقال میثفال سیه سیه

قاییب باختین قاپ قارادیر

ایتیرمیسن مارالینی
سورگون چوخدو سنین كیمی
دویان یوخدور یارالینی

+0 به یه ن

سوسوب دینمیر

+0 به یه ن

مین خایال لا دولانیردیم
قارشیم دان بیر سونا كئچدی
مات ائیله دی گؤزه ل لیگی
گولدی مانا یانا كئچدی

 

 

 

یامان ووردو گول یاناغی
كؤكسوم اوسته چارپاز داغی
قیش گونونده شاختا چاغی
بوكؤنلوم آرانا كئچدی

 

 

گؤزه ل لیگین غایه سینده
یارانیب دیر آیه سینده
 آدی قالدی سایه سینده
قاییب دا دئوراناكئچدی

 

+0 به یه ن

توركون تاریخینی ورقله‌ینده
سیزلادیر بو حئیرت آدامی، آللاه؟
قارداشی قارداشا دوشمان ائیلیین
اومودی باغلادی یادامی، آللاه؟

عوثمان قازی، بیر بیاضید، بیر سلیم،
شئیخ حئیدریم حاق اوغروندا عملیم.
شاه ایسماییل آذربایجان تمه‌لیم
دوشدو بو مملكت اودامی، آللاه؟

تؤكولدو قانلاری توركون نه قدر
قیرغینلار تؤرتدی قارداشلار حدر
اؤزوموز دوشماننان چوخ اولدوق بئتر
توتدو بو قارغیشمی-قادامی، آللاه؟

آذری یوردونو قوردو ایسماییل
اؤلكه‌نین باشیندا دوردو ایسماییل
سنی سولطان سلیم ووردو، ایسماییل
-یئتدی میلتینده ن خاتامی، آللاه؟

عرب ایستیلاسی، فارس قیرغینلاری،
روسون، اینگیلیسین ترس قیرغینلاری...
چاتمادیق سونونا بو قوزغونلارین،
وئردیك اؤزوموزو بادامی، آللاه؟

قاسیمین باشیندا مین عذاب، مین درد،
سوفره‌نین باشیندا اوتوردو نامرد.
روزگار بیزیم اوچون نئجه كئچدی سرت
بو هایمی، هارایمی، سدامی، آللاه؟
-سیزلادیر بو حئیرت آدامی، آللاه...

+0 به یه ن

بابا لارین بوش گؤرونور یئرلری

یوخموش كیمی هئچ بیر ایزی قالماری

عؤمور یولو قاسیرغا ایمیش بر آنلیق

گلدی ده گئتدی ده توزو قالمادی

دۀییب گولوب قاهقا چكن لر هانی

حاقسیز یئره قانلار تؤكن لر هانی

اوره ك یئییب حاصیل اكن لر هانی

نه ایری لر نه ده دوزو قالمادی

 

سونا كیمی هارا گئتدی یوروین

یوردسوزلاری آرخاسینجا سوروین

وولقان كیمی آسیمانی بوروین

آلوووندا سوندی كؤزو قالمادی

+0 به یه ن

ایسته‌ییرسن بول چِرك - آل الینه بئل، كورك...

* ایشی باشلایان یاریدا قویماز.

* ایشلك آت آرپاسینی آرتیرار.

* ایشله‌مه‌ین دیشله‌مز.

* ایشله‌مك دردیندن یئمه‌یه حسرت جانیم.

* ایشلنمه‌ین دمیری پاس توتار.

* ایش اینسانی صافا چیخاردار.

* ایش اوستاسیندان قورخار.

* ایش اینسانین جِوهریدیر.

* قابیل شاگیرد اوستاد اولار اوستادا.

* قاز وور، قازان دولدور.

* قالان ایشه قار یاغار.

* غئیرتی اولان تورپاغی قیزیلا دؤندره ر.

* قویما باشین بالیشا، وئر اؤزونو یاریشا.

* قوزوسونا قییمایان كاباب یئیه بیلمز.

* پادشاه اوزاقدا، آللاه یوخاریدا، كیمه دئی سن ده ردینی؟!

* پادشاه خزینه سی ده آلتی شاهیلیق قیفیلا مؤهتاجدیر.

* پادشاهین آیاغی ده ین یئرده یئددی ایل اوت بیتمز.

* پادشاهین دا دالینجا دانیشارلار.

* پادشاهین دا ره یییته ایشی دوشر.

* پادشاهین صؤحبتینین اوولی – دیریلیك، آخیری –اؤلوم.

* پای بؤلنه پای قالماز.

* پای بِؤله نین یوزده بیری جننته گئده ر.

* پای وئردی، دالینجا گلدی.

* پای دولو گلر، دولو گئده ر.

* پای پایی دؤیر، چیخاردار.

* پای پایلایان پاییندان اولار.

* پایدان پای اوممازلار.

* پایدان اومان پای وئرمز.

* پایین قاباغی پای اولار.

* پایین جننتده.

* پایینی یالقیز یئین پایینی دیشی ایله توتار.

* پایینی پاییمین اوسته قوی، یا آلتیندان یئ، یا اوستونده ن.

* پاییز جامیشی قاچاغان اولار.

* پاییزین سویو كاسیبین بوغازینا تنگدیر.

* پالازا بورون، ائله ایله سورون.

* پالان–پالان، منه ده پالان؟!

* پالچیغا باتان آرابانی اؤكوز چیخاردار.

* پول ال چیركیدیر.