باخیش
چهارشنبه 24 آذر 1395
بؤلوم | یازار : علی رشتبر«قاییب»
+0 به یه ن

تاریخ دؤنسون
تاریخ دؤنسون اربابالارقاییدسین
دیله گلسین عاشیقلارین سازلاری
جوشوب داشسین گور بولاقلار گور گؤللر
قاناد چالسین زیروه سینده قازلاری


شاه ختایی چالا قوربان اوخویا
دده قورقود اوشاقلارا آد قویا
کور اوغلولار  قی وورالار های هایا
آسلان کیمی کوکره یه ائیوازلاری


بوتورپاغلار غم غصه سین اونودا
آنا اولا بالاسینا آنادا
کرم اولا داستانلاردا یئنه ده
اصلی کیمی اولا سروینارلاری

86/12/28
علی رشتبر(قاییب)

باخیش
چهارشنبه 24 آذر 1395
بؤلوم | یازار : علی رشتبر«قاییب»
+0 به یه ن

بیلمیرم
آلتی تزه ک اوستو بزه ک گولوشلر
چکیر بیزی هایانلارا بیلمیرم
مین بویاقلا بو سوسله نن حیاتدا
نه سؤیله ییم  جایانلارا بیلمیرم

توکنمیر کی قارشی توزاقلاریمیز
اؤزگؤنونو سورتور قورساقلارمیز
گؤز اؤنونده اسکی یاساقلاریمیز
ایندی چیخیب عیانلارا بیلمیرم

توران اولوب گونش کاما ائره جک
چیلپاقلارا زامان قورشاق هؤره جک
طالع قوشو تؤهفه سینمی وئره جک؟
قاییب لاری دویانلارا؟بیلمیرم

علی رشتبر «قاییب»