باخیش
سه شنبه 22 اردیبهشت 1394
بؤلوم | یازار : علی رشتبر«قاییب»
+0 به یه ن

مـات قالمیشام دردی غمین ایچینده
آغـلاییرام آغــــلاییرام گئجه لــــر
نازلی یارین حسرتیندن کونلومـو
داغلاییرام داغلاییرام گئجه لـر


هیجران یوکو شئله اولور بئلیمده
خـــــاطیره لر سیزیلداییر دیلیمده
قــــورویــور قـلمیم دونور اَلیمده
دفتریمی بـــــاغـلاییرام گئجه لـــر



گئچن کـــاروانلارا چاتا بیلمه دیم
بــــاشیمدان فیکرینی آتا بیلمه دیم
گاللی مـــوسی اینان یاتا بیلمه دیم
چایلارکیمین چــاغلاییرام گئجه لر