+0 به یه ن
سارای خاتین دوشدو چایا نئجولدی
هئچ اولمادی گلن هایا نئجولدی
سولار شاققیلداییب چایدان آشدیلار
بیر گولو آلدیلار اله قاشدیلار
داغی گؤردوم اؤندا ائله سیریلدیر
باخیر چایدان آخان سئله سیزیلدیر
ایندی سارای خاتین چایدا یول سورور
گرچك عاشیق لرین مورادین اؤیور
نه خان چوبان نه ده خانا قالمادی
سئل ایچینده سانكی بیر آغ آلمادی
داشلار یول اوستونده ن قاچیر قیراغا
سارانی گؤرجك دورورلار آیاغا
دئییر لربوقوناق كیمدی خبرسیز
قوناغچی دان كئچیر بیر باش نزه رسیز
ایندی كی آی گویده ن ائنیب دیر سئله
كیم باخاجاغ گئجه لری بوائله
آغاجلار سوروشور چای دان بو كیم دی؟
یزیدی لر قورا بیلمز بوفندی
اولمایا كی گؤی ده گزه ن نور آیدی
اولمایاكی بودئییلن سارایدی؟
دئییرلر خان چوبانا قوناغ دی
سؤیله سنه ایندی بو نه سایاغدی
چای دیل آچیب سؤزون بئله سؤیله دی
سؤیله ینده داغی یاردیم هایلادی
بیر گولودور بسلنمیش ال لر ایچینده
میسالا دؤنموش اوبا ائل لر ایچینده
بیلمم كی سانكی نرگیز قیزیل گول
یوخدور دئییم اوندان آرتیق كؤزه ل گول
آدی سارای اؤزو سارای دئییب لر
ایندی اونا باختی قارا دئییب لر